महाभूषण

विविधतेने नटलेल्या या आधुनिक महाराष्ट्राला एकजीव करण्याचे काम विसाव्या शतकाच्या उत्तरार्धात झाले. १९०० ते १९३० या तीस वर्षात जन्माला आलेल्या अनेक लोकोत्तर नेत्यांचा आणि व्यक्तींचा हा कार्यकाळ. आज आपल्यासमोर दिसणारे महाराष्ट्राचे सांस्कृतिक चित्र तयार करण्यात या व्यक्तींचे अमूल्य योगदान आहे. राजकीय, सामाजिक, कला, साहित्य, क्रीडा अशा अनेक विषयात या व्यक्तींनी मोलाची कामगिरी बजावली. यातूनच महाराष्ट्राची अस्मिता निर्माण झाली. 

महाभूषण

१९०० ते १९३० या काळात महाराष्ट्रात जन्माला आलेल्या या असामान्य व्यक्तींचे कार्य आजच्या पिढीसमोर सतत राहणे आवश्यक आहे. यातूनच महाराष्ट्रातील सामान्य जनतेची अस्मिता तेवत राहील. या उद्देशाने व्हिजन महाराष्ट्र फाऊंडेशनने एक महत्वाकांक्षी प्रकल्प हाती घेतला आहे. इंटरनेटच्या या बदलत्या युगात या असामान्य शताब्दी-वीरांच्या जीवनावर आणि त्यांच्या कार्यावर प्रकाश पाडणारी सविस्तर संकेतस्थळे तयार करण्याचा प्रकल्प संस्थेने हाती घेतला आहे.